إحنا آسفين يا صين

العصيان المدنى بين التحريم والتحرير وتكاثرت الاقاويل بين مع أو ضد ، حلال أو حرام ويتكرر السيناريو مره أخرى ......أى كلاكيت للمره المليون وكأننا لم يعطينا الله العقل ليميزنا عن الحيوانات أوأى مخلوق غير الانسان ،ولكن الحمد لله انى أنسان . 
المفتى وشيخ الأزهر  يحذر الشباب من العصيان المدنى وعدم تعطيل العمل ولو ساعه ،فى حين أن دكتور نصر فريد واصل مفتي الجمهوريه الأسبق وشيخ من شيوخ الأزهر الأجلاء : الاضراب ضرر .ولكن اذا كان سيرفع ضرر أكبر فبذلك يصل الي درجه الوجوب..

 ما سنفعله من اضراب سيرفع عننا الظلم والطغيان المتمثل في المجلس العسكري وفساده وفساد رجاله فلذلك الاضراب واااااجب شرعي علينا جميعا  هذا ما قاله مفتى الجمهوريه الأسبق

نجى بقى للبابا شنودة الذى يقول ان العصيان المدنى لايقبله الدين ، والكثير من الآيات في الكتاب المقدس، تحث على طاعة الحاكم،أى حاكم يقصده  أبونا (المجلس العسكرى!!!!!!!) اللى قتل أولادنا ودهس عليهم بدبابات أمام ماسبيرو ،مش كفايه اللى عمله ليله القداس ياررررريت ترحمونا بقى بكثره أقاولكم 
من المفتى الى شيخ الأزهر الى ابونا احنا مش هنسمع كلامكم لأنكم تبع النظام السابق وكنتم من المطابلتيه بتوعه وبما ان قامت ثوره وأطاحت بالفساد ولكن باقى جزء كبير وأنتم من بينهم فيجب أن ياتى غيركم تبعاً للثوره. 
نيجى بقى لأخونا البعدا (الوفد والعوا والاخوان والسلفيين..............وغيرهم إلا من رحم ربى) فأنتم حلالتم دمائنا فكلامكم زى عدمه وياريت تتكتمه بقى مع أستثناء من يرفض كلامكم .
وأخيرا من يرفضون العصيان المدنى وهو جزء من الشعب فأنتم الإيد اللى بيحاولو يمسكونا منها ؛ زى أسلوبهم الرخيص دائما

زى ما كانو بيأخدوا الواحد فى أمن الدوله واللى ماكنش يقول اللى هما عاوزينه يجيبلوه مراته قدامه ...............
فأنتم توافقوننا على كل مطالب الثوره ولكن تسمعون من يقول لكم ويفزعكم (الأمن  ده على أساس ان فى أمن من سنه  ،مش هنلاقى ناكل ده على أساس الزراعه مقاطعه بعضها وأسالو اهاليكو اللى فى القرى الزراعيه اللى حرمنهم من زراعه الارز بسبب المايه ويقعدو يملو عقولنا بمخاوف وأكاذيب

فووووووووووقوا بقى

وأقفوا جانب ولادكم وفكرو كويييييييييييس

 نحن بلد لاتصنع اى شى ، وهم قانونهم فرق تسد .والدليل على كلامى : أمسك المنتجات اللى فى  بيتك وشوفها صناعه ايه (الصين أو الهند أوبلجيكا أو اليابان ...............) وبالله عليك لو حد لاقى حاجه صُنع فـ مصر يبقى الادوات اللى مصنوع بيها مش مصريه  ، يعنى عجله الانتاج اللى هتقف هى عجله واحده بس وهى عجله الصين لاننا أكتر حاجات بنستوردها هى من الصين فأحنا أسفين يا صين ولو أتنفذ مطالبنا هنقول :

صين طيرى أنتى ،عشان أحنا اللى هنصدر بعد كده مش هنستورد .

العصيان المدنى المصرى هو عدم نزولك للعمل إلا المسشفيات وأى حاجه متعلقه بروح أنسان لاننا هنقدر نستحمل اى حاجه الا موت انسان .

(وعدم وقوفك مع العصيان المدنى يعنى قاتلك لشباب بلدك تانى )
مطالبنا : 

1_التسليم الفورى للسلطه لجهة مدنيه 
2_أستقاله النائب العام واعادة هيكلة الطب الشرعى وإقالة الحكومه الفاشله،وأعضاء المجلس العسكرى "السافك لدماء المصريين وهو المتسبب الوحيد فى مجازر شارع محمد محمود ،ومذبحه ماسبيرو  ومجلس الوزراء ومذبحه الألتراس ببور سعيد وأخيرا مذبحه محيط وزاره الداخليه ومازال دم المصريين مستباح على إيديهم.
3_إعادة هيكلة وزاره الداخليه "تفورها يعنى" حيث أنهم يد المجلس العسكرى فى المذابح الدمويه المستمرة.
4_العدول عن محاكمه المدنين المحبوسين حاليا تحت ظل المحاكمات  العسكريه وتحويلهم الى جهات تحقيق مدنيه. 

5_الإلغاء التام للعمل بقانون الطوارئ والتعامل مع المجرمين بالقوانين الجنائيه وقانون العقوبات .
*ولن نوافق على تحقيق مطلب واحد فقط *

http://issuu.com/auc.leftists/docs/generalstrike?mode=window&backgroundColor#222222

والعصيان مفتوح حتى تحقيق مطالبنا 
أنجازات العصيان المدنى على مستوى العالم : فرنسا تم عمل أضراب عام  1968 م لمده 14 يوم  شارك فيه بنسبه 22% من سكان فرنسا أنهى حكم شارل دى جول ، لذلك العصيان المدنى ليس ضد الاحتلال فقط بل ضد الحكم الظالم .
يسقط يسقط حكم العسكر 
عصيان مدنى عصيان مدنى عصيان مدنى .....                                                                                                                     دينا مزروع