الاثنين، 8 أكتوبر 2012

كن سعيداً :)

قد تكون الحياة سعيده فى بعض الأوقات وتفيض الدنيا بالأبتسامات والفرحه لكن حين تضيق عليك فجأه  تنسى كل شئ وتفكر فى شئ واحد لا غير

"أشمعنا أنا؟!!"

ومن المستحيل أن أسمع منك هذا السؤال فى فرحك !!!

فهل تظن عندما تكون سعيد تملا العالم أنت بالفرح وتجعل من حولك سعداء مثلك و حين يأتيك الحزن يخص ذاتك فقط .....فأنت مخطئ

"الحزن والفرح "يصيب ذاتك او شخصك فلا العيب فيهما

 العيب  "أنت"

بعد إذن سيادتك هسأل حضرتك سؤال

 "لماذا فى فرحك أرى إبتسامتك وأسنانك البيضاء والعين اللامعه و فى حزنك لا أرى إلا العيون المليئه بالحزن والوجه الشاحب وجسد كسول يجرجر بعضه ببعض ليفعل شئ ما ؟؟؟!!!! "

فهل لديك إجابه ....

قبل أن تجيب سأطلب منك شيئا صغيرا

وأتمنى ان تستجيب لطلبى

"فى حزنك وأزمتك وإختفاء الناس من حولك إلا أنت ....

أبتسم ! ...ايون أبتسم وأرينى أسنانك البيضاء والنشاط الغير عادى

وفى فرحك وسعادتك .....

أرينى دموعك والوجه العبوس والجسد الكسول ..."

وقبل أن تنفذ رجائى أو طلبى

أقولك لك أنت بالفعل ستنجح فى نصف طلبى الأول وتفشل فى الأخر
" لا تستطيع أن تبكى فى عز فرحتك إلا إذا ذرفت دمعة من كثرة الضحك (دموع الفرح )
فأصلح ذاتك فالعيب ليس فى الفرح أو الحزن

"فهما بريئان من ذاتك "


الأحد، 16 سبتمبر 2012

أحذر إنها اللعنه !!!

"الحياة مليئه بالخائنين والكاذبين والخادعين والمنافقين و...و...
و...و... " 

هكذا قال لنفسه وقرر أن يعيش وحيداً بعيداً عن هذا العالم المليئى بالسواد حتى يحافظ على نقطة البيضاء فى هذا العالم ألا وهى (هو) 


جلس فى عالمه الجديد الذى صنعه لنفسه ،فعاش أول فترة سعيدا وفى حاله أسترخاء وسعاده حتى بدأ يتسلل له  الشعور بالملل والوحده لكنه أخذ قرار وعهد أن لا يعود إلا عالم الوحوش حتى وإن كان يعيش فى وحشه الوحده 

ففكر كثيرا وكثيرا ......حتى قرر أن يؤنس وحدته بالأشخاص الذى تمناهم فى حياته الأولى  فبدأ يعرف فلان وفلان وفلان ويكلمهم ويعيش معهم كان يحبهم برغم إنهم ليس لهم وجود أشخاص من خيال لكن  لديهم كل ما يحتاجه !!!!

لديهم الحب والوفاء والصدق والأخلاص و........كل ما تمناه 

لكن كان هذا العالم الجميل الذى صنعه بنفسه (ناصع البياض) لا يوجد به إلا نقطه سوداء (هو) 

فكان كثير الشجار معهم والخلافات وكان يتركهم فجاة ويجلس وحيدا شاردا مع ذاته 

حتى جاءت اللحظه وقرر قرار آخر أن يعيش فى عالم لا يوجد به عالم فجلس بدون "كلام ،أكل ،حزن،فرح .........."

حياة بدون حياة 


فأصابه التعب والضعف وأصبح غير قادر على فعل شئ (هذا ما يريد ) 


لقى فى هذه الحياة تعب الجسد أكثر بكثير فهو أمات روح الحياة ولكن مازال الجسد 

به حياة فقرر القرار النهائى وهو أن

"ينهى حياة الجسد"




                                                                       دينا سامى 

                                                                    17\9\2012

الخميس، 30 أغسطس 2012

لمسه قذرة :(

هو موقف دمرنى نفسيا !! وأدركت كم من بنات حوا فقدو الكثير بسبب كلاب مسعوره ضاله متروكه فى الشوارع 

وإليكم يا سادة هذا الموقف 

كنت عائده إلى المنزل برفقه أختى الكبيره وجلست بجانب النافذه وبجانبى أختى وجلست  جلستى المفضلة مربعة الأيدى 

وإذا بى أشعر بيد تحاول ان تلمسنى وتمد يدها من بين الكرسى والنافذه  لكنى تحسستها بأطراف أناملى ونظرت خلفى فى سرعة فأذا بحيوان يجلس خلفى عيناه مليئتان بالجبن والمرض والحيوانيه 
أخذ يتحجج أنه يمسك شنطه وعندما نظرت اليه وقولت له "امال ايدك دى كانت ايه " فأخذ يبلع ريقه ويتأسف 

فسكت وجلست لكنى لم اشعر انى أخذت حقى فالحق لا يتجزأ !!!!!!
______________________

بعض الناس يتحججون باللبس وتبرج الفتيات ؟؟ وإنها للحجج من ذو حاملى المرض :(( 

فهذا الشخص فعل ذلك لمجرد جلوس فتاه أمامه فقط فأعطى لنفسه الحق ان مباح لمسها ....فيا له من حيوان !!!!!!


-----------------------

فبداخلى ألم نفسى وجسدى غير طبيعى وكتبت هذا ليخفف عنى قدر من التعب 

فجلست أحاول النوم لمده 3 ساعات ولم أستطيع !!جلست مغمضه العينين فقط !!! 

وحسبى الله ونعم الوكيل 

لا للتحرش :((( 

وياااااااااااااااارب 

سترك على البنات 

فيجرحون الزهور ويطالبون بالربيع :((
"

الخميس، 16 أغسطس 2012

رأيت جدتى :)

بسم الله الرحمن الرحيم

(إنا أنزلناه في ليلة القدر (1) وما أدراك ما ليلة القدر (2) ليلة القدر خير من ألف شهر (3) تنزل الملائكة والروح فيها بإذن ربهم من كل أمر (4) سلام هي حتى مطلع الفجر)


رمضان العام يختلف بنسبة لى عن أى رمضان آخر فأول


رمضان لى أقرر الأعتكاف والبعد عن الناس آجمعين



فأغلق هاتفى الخاص ولم أدخل على حسابى الشخصى على "فيس بوك" ولم أتابع مسلسلات وإن فتحت التلفاز أحضرت قناة "المجد" وافتح مصحفى :)
قررت أعتكاف النفس والأتصال بحبيبى فأجالسه وأحادثه



"فهو الحب "



أحِبُكَ حُبَيْنِ حُبَ الهَـوىٰ وحُبْــاً لأنَكَ أهْـل ٌ لـِذَاك فأما الذي هُوَ حُبُ الهَوىٰ فَشُغْلِي بذِكْرِكَ عَمَنْ سـِواكْ

وامّـا الذي أنْتَ أهلٌ لَهُ فَلَسْتُ أرىٰ الكَوْنِ حَتىٰ أراكْ فلا الحَمْدُ في ذا ولا ذاكَ لي ولكنْ لكَ الحَمْدُ فِي ذا وذاك

ما أجمل هذا الاحساس أن تكون فى عالم بعيد عن كل شئ إلا (الله)



فجلست مع حبيبى إلى ان جاءت الليله الموعوده ،المشهوده ليله بألف شهر ^^^



فكانت ليله شاقه واحسست بها بتعب الجسد لكن كانت الروح تأخذ بيد الجسد


بدأ الشيخ فى الصلاة وبدأنا معه وكان قرأته الليله غير كل ليله


فكان لكل أية رساله وحديث مع النفس فكان القلب يهتز وضرباته



تزداد إلى ان قال الشيخ هذه الأيه ولم امتلك أعصابى وأجهشت فى البكاء الشديد

" لَوْ أَنْزَلْنَا هَذَا الْقُرْآنَ عَلَى جَبَلٍ لَرَأَيْتَهُ خَاشِعًا مُتَصَدِّعًا مِنْ خَشْيَةِ اللَّه "

***********


إلى أن جاء وقت صلاه الوتر وبدا الشيخ فى الدعاء وأنا لا أرى



أمامى إلا جدى وجدتى  يبتسمان فتذكرتهم وأحسست بحاجه للدعاء لهم

فأخذت فى البكاء الشديد فى الدعاء مع الشيخ وترجيت المولى عز وجل ودعيت لهم بالرحمة والمغفرة وأن الله يجعل قبرهم روضه من رياض الجنة



وأنتهينا من الصلاة وأرتحنا قليلا قبل صلاة الفجر



فأطمئن قلبى وأرتعش جسدى وذهبت روحى فى الملكوت



تستنشق وتملى نفسها وتعيد الحياة لها من جديد



فالروح تحلق والجسد يرتعش خشية من لله



وبعد صلاة الفجر تعبدنا قليلا حتى الشروق وكان كل شئ هادئ



فى أطمئنان وما على وجهى إلا إبتسامه من نوع جديد



لا أعرف مسمها لكن حقاً أول مرة أذوقها فى حياتى :)



فأنيهينا وذهبنا إلى البيت وأستغرقت فى



نوماٍ عميييييييييييق



وكان لى رؤية فى هذا النوم العميق ^^^



رأيت فى منامى جدتى :)



" كانت جالسة على الأرض فى مكان جوه جميل يشبه المدافن



ويوجد صوت شجر وعصافير هادئ وكانت ترتدى جلبيتها البيضاء المنقوشه بالورود الخضراء وكان على وجهها أثار الوضوء



وبجانبها حمامتان وفى يديها سبحه (من اللى بينورو فى ضلمه )



وكانت فى يديها الأخره أكل للحمام وكان يأكل من يديها



وكان يوجد صوتا جميل لا أعلم من أين يأتى ويردد أية



واحدة فقط



"يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي"



وهى تنظر لى وتبتسم :)



لا أعلم وقت رؤياى لكنى أعلم أنى



"أحبك يا الله "



كانت ليلة 27 رمضان 1434 هـ





                                                دينا سامى
                                                16/8/2012  

الأربعاء، 25 يوليو 2012

رفقا بالقوارير

"الصلاة دي لو مهذبتش نفسك وخلتك أحسن وغسلتك من جوه 
يبقى ملهاش لزوم خالص 

الصلاة مش مجرد حركات كدا بنعملها (قيام وركوع وسجودالصلاة أكبر من كدا بكتييير


 الدين أكبر من اللحيه 
اللي فى وشك دي 

أيوه وأكبر من حته القماش اللي نسيت أختك تحطها 
على دماغها قبل ما تطلع البلكونة 

~الدين أخلاق ~  قبل ما يكون عبادات 

زي ما رسول عليه السلام قال : رفقاً بالقوارير 

قوارير : هي الزجاجه رقيقه ودقيقه الصنع  "الهشه"

وقبل الرسول عليه أفضل الصلاة والسلام ما يتوفاه الله قال عليه السلام : أستوصوا بالنساء خيرا

الست اللي أتخلقت من ضلوع الراجل من ضلع أعوج من ناحيه 
القلب 

هو مش عشان أعوج يعنى حاله مايل ما بيتصلحش!!


(لا )


لو أنت حاولت أنت  تقاومه بالعنف يتكسر منك 
يبقى أنت تعامله بالرفق وبالحسنة


النساء يا خولنا دول أخواتنا ،أمهتنا ، زوجتنا 




****
مش الجناين فيها ورد ؟؟؟


النساء دول ورد جناين الدنيا 


الرحمه والمعروف هما الباقين وما دون ذلك فهو هواء مع الرياح "



                                      محمود عبد العزيز







                                            باب الخلق -الحلقه 5
                                                      25/7/2012                  

الأربعاء، 18 يوليو 2012

تراب الموتى

هل حقا تراب الموتى يريح النفوس ام يهذبها فترتاح أنت ؟؟!!!

تخشى النفس من رائحه ترابهم لأنها ترى فيه آلامهم
وتعذيبهم فتعود إلى صراط المستقيم 

ويرتاح الجسد وتنقى الروح ....

يعيش الإنسان بين صراع (الروح والجسد والنفس )

ولكي يهدا هذا الصراع ويرتاح الإنسان 

فعليه .....إستنشاق (تراب الموتى
                                                     
دينا سامى 
                                                    19/7/2012

الأحد، 8 يوليو 2012

بحبك و بس !

الكلام ده ليك أنت بس ......

عارف لما كنت قاعده وعماله أتفرج على الأعلانات وأقول الله 

السنه دى مسلسلات رمضان هتكسر الدنيا ،روحت ضحكتلى وقلتى 

بجد هو مين اللى عامل مسلسلات السنه دى ؟؟

وأنا أقولك ( يحيى الفخرانى - نور شريف-هند صبرى -حتى السقا عمل )

روحت جيت وأقعدت جانبى ومسكت الروموت من إيدى وقفلت التلفزيون 

ومسكت إيدى أول مره أحس بلمسه زى دى! ، بصتلك بأستغراب وقولتلك فى إيه ؟؟؟!!

قاعدنا نتكلم  بالعيون مش عارفه قد إيه ؟ 

وروحت قولتلى مش النهارده أول سحور لينا .......

هزيتلك رأسى 

قولتلى قومى ألبسى يلا ...

من غير ما أرد عليك قومت ألبس مع أنى مش عادتى أنى أسكت كده 

ولبست وخرجتلك مسكت إيدى ولففتنى زى العروسه 

صراحه كنت فرحااااانه أوووووووووووى 

وأطمنا على الشقه وقفلنا كل حاجه ونزلنا 

وأحنا فى العربيه شغلتلى الأغنيه اللى كنت زمان بحب لما أسمعها 

أبص من الشباك وأتفرج على دنيا أول مره أسمعها وأبصلك أنت بس ....

وركنا العربيه وانا عماله أبص ع مكان مش عارفاه أول مره أجى فيه

أطفال بيلعبوا وماسكين فوانيس ،وكل ما أمشى وبومب يفرقع أتخض منه 

وأترمى فى حضنك وأنت تضحك عليا ومسكت إيدى ورحنا أشترينا كيس بومب 

كبييييير قوووووى وقعدنا كل ما حد يفرقع بومب ،نطلع أنا وأنت بومب من الكيس 

ونفرقعه ولعبنا مع الأطفال لغايه ما خلصنا كيس البومب كله :) 

وبدأت معالم المكان توضحلى وأنا أقولك أحنا فى ....

وأنت تهز رأسك وتضحك

وأنا زى المجنونه "السيده زينب" وأحضنك قداااااااام الناس كلها 

وبعد ما أرجع من جنانى ألقاى الناس حوليا وبتسقف ........ 

ورحنا صلينا وبعد كده قولتلى 

يلا نتسحر بئا ......

إيه ؟؟؟سحور ؟! هى الساعه كام ؟؟؟ 

قبل ما تقولى ع الساعه .....قولتلك أسكت مش عايزه أعرف 

وقولتلى خليكى هأطلب سحور وأجى تحبى ايه ؟

زيك بالظبط ....

أختفيت شويه ولقيتك داخل عليا بفانوس وراجل بعود بيغنى الست 

   يالله نعيش
••●
في عيون الليل
♪ ♪ ••● ♫
  يالله نعيش

••●
في عيون الليل
♪ ♪ ••● ♫
ونقول للشمس •●  تعالي تعالى بعد سنه مش قبل سنة •● تعالي تعالى 


دي ليلة حب حلوه بألف ليلة وليلة
ألف ليلة وليلة ألف ليلة وليلة بكل العمر .. هو العمر إيه غير ليلة زي الليلة

♪ ♪ ••● ♫
إزاي أوصف لك يا حبيبي إزاي

♪ ♪
قبل ما أحبك كنت إزاي كنت ولا امبارح فاكراه
ولا عندي بكره أستناه ولا حتى يومي عايشاه

خدتني بالحب في غمضة عين
♪ ♪
 وريتني حلاوة الأيام فين

الليل بعد ما كان غربة مليته أمان

 والعمر اللي كان صحرا أصبح بستان




وخلصنا سحور وجبتلى حاجه طعمها حلو أووووى قولتلى أسمها بس نسيت 

وأقعدنا نشرب تمر وأنا عماله أسمع عم محمد وعوده الجميل وصوته :))

وانا أقوله ااااااااااالله عليك يا عم محمد ........

وصلينا الفجر فى الحسين ودعيت ربنا ........^^^

وأحنا مروحين قولتلك اليوم ده كان حلم بنسبالى قولتلى 

ونا كمان كنت بحلم باليوم ده بس الحقيقه طلعت أحسن من الحلم .....

عارف ....أنا بحبك أوى 



                                                           
دينا سامى
                                                          8/7/2012 

الأحد، 1 يوليو 2012

أبله فضيله :)

حبايبى الحلوين 

"كان فى واحده ست عندها 12 بنت يوم قالولها يا ماما ناكل 

توت يا ماما


جابتلهم توت فى وأبور بيقول توت

كل بنت خدت 

توته توته توته فرغت الحدوته "

                                                   أبله فضيله 

من بدرى تصحى تسمع صوت يقولك أصحى أغسل وشك شوف الشمس  

أسمع صوت العصافير شوف الدنيا الحلوه وأسمع أحلى حدوته عشان 

تصحى مش عشان تنام .....

هى اللى خالتنى  أصدق الحدوته بعد نوم مش قبل نوم 

حببتنى فى قصص ، والحواديت ، والأغانى اللى بعد الحدوته 

أبله فضيله يا عنى عشره إلا عشره ،أبله فضيله 

ياولاد ياولاد ..توت توت
تعالوا تعالوا
علشان نسمع ابله فضيله
راح تحكيلنا حكايه جميله
و تسيلنا و تهنينا
و تذيع لينا كمان اسامينا
ابله..ابله فضييله



علمتنى أن الحدوته اللى تعلم الاخلاق تكون جميله وجذابه

اى حد غيرها ماعرفش يقول حدوته حلوه بس ماما بتعرف ^_*

بحس انى عايزه أقولو أنت مصدق نفسك

الأطفال هيسمعوك هيعملوا عكس اللى بتقولو بسبب طريقتك دى .....

ده لينك فى كل حواديت أبله فضيله :)



لما فى صوتها تشوف الجنة
والشموسة عروسة بحنه
يبقى أكيد المذكور بينا ..
أبلة فضيلة لما ملايكة ليها يبتسموا
والعصافير صفين ينقسموا يبقى أكيد المذكور اسمه ..
أبلة فضيلة لما نصالح يوم فرحتنا
واما نصدق يوم حكايتنا يبقى عشان بنحب مامتنا ..
أبلة فضيلة لما الصبح يزقزق طير
والحواديت م الراديو تطير يبقى أكيد ده محدش غير ..
أبلة فضيلة تسمع صوتها كأنك شايف الأحزان ع الفرح توالف





أبله فضيله لازم أكتب عنها تااااانى بس لما أرجع وأسمع كل الحواديت تانى

                                                             دينا سامى

                                                                    1/7/2012 


الجمعة، 29 يونيو 2012

عم رأفت

عم رأفت ............
هكذا نسميه ،لم أكن جيده فى الوصف ولكنى أعلم جيداً أن ما بداخلى 

يستحق الكتابه و بعد مرور الأيام عندما أبعثر فى أوراق مدونتى فأتذكره 

وأبتسم :)

عم رأفت رجل بسيط جدا، أراه قليل الكلام لكن هذا على ما أظن أنه معى فقط

كنت أحيانا أشترى الحلوى وأضع ثمنها بجانبه فينظر الى ويهز رأسه 

وأذهب ..... لكن هذا عندما كبرت الى حد ما

لكن فى طفولتى عندما كنت أشترى منه الحلوى وأذهب وأعود مره أخرى 

لأبدلها بشى آخر فيغضب قليلا لكنى أراه يتسم معى بـ (الصبر) إلى أن أخذ نقودى وأقول له 

(خلاص مش هشترى حاجه ) ×_×

فكان يشتكى لأمى وأخوتى الأكبر سناً منى ويقول لهم (إنى بغلبه ) ومع ذلك 

كنت أحب الشراء من عنده ،حتى عندما كبرت فأذهب للشراء (الحلوى) فلا أحد 

يبعها مثله  فكانت الحلوى من عنده لها مذاق خاص .....

ولن أنسى موقف (كان فى الكتب الدراسيه  يعلموننا- النقود وقيمتها- وعندما أنتهيت من الفصل الدراسى أخذت المقص وبدأت فى قصها وكأنها نقود حقيقيه ،وأخذت أختى أصغر منى سناً وذهبنا إليه وبدأت أملا يدى بالحلوى وذهبت لأعطيه النقود فأستغرب شكلها وعندما قلبها وأكتشف حقيقتها لم يغضب ويصرخ فى وجهنا بل فهمنا أنها غير قابله للصرف وقال أخذو الحلوى وأتو بالنقود فيما بعد )  

لكنى كنت أغضب منه فشئ (أنه كان يراقبنى وأى كارثه أفعلها يخبر بها أمى )

فكان رجل (الحلوى والمكوى ) 

وكان زيه (الجلباب) فلم أراه يوما يرتدى شياً أخر ، ولم أراه يوما يفتح وقت صلاه الجمعه 

وما عرفناه ولن نصدقه أنه (قبطى )

والأن أنا أكتب وأنا فى التاسعه عشر من عمرى ولم أرى على عم رأفت علمات الكبر 

فعم رأفت قديما هو عم رأفت أخر مره شاهدته فيها !!

ولكنى أكتب الأن هذا الكلام وعم رأفت لايوجد على وجه الأرض 

لكن ذكرياتى معه مازالت على وجهه الأرض

................... 

                                                         دينا سامى 
                                                       27/6/2012

الأربعاء، 27 يونيو 2012

تحت الوساده ؟!

حنان.........

كانت وحيده والديها ،فخافت الأم أن تدللها لكن الأب كان عكس الأم ،

فكان يلعب معها يدللها ويشترى لها كل ما تريد فكانت هى فرحة حياته

عندما يعود من العمل يجرى الى إبنته يلعب معها ويداعبها دون ان 

يبدل ملابسه ،او يتناول غداءه حتى لا ينتهى الوقت المحدد للعب حنان الذى كانت 

تحدده والدتها ،وكان الأب ينسى كل من حوله أثناء لعبه مع أبنته الصغيره

 يعود صغيراً وعندما تأتى الأم وتنظر الى حنان أى أن وقت اللعب 

قد أنتهى !! فتلملم حنان ووالدها اللعب و يضعوها فى الصندوق فى حزن :( 

وظلت حياه حنان فى فرح مع والدها ،فالأب مصدر الفرح والسعاده ،والأم هى 

الأوامر والتعليمات !!

الى أن بدأت حنان الخروج من الطفوله ودخولها فى المراهقه ودخلت مرحلة الانطواء 

والوحده والبعد عن الأب ، فكان مصدر السعاده لدى حنان فى هذا الوقت هو عندما 

تأتى إليها والدتها وتقول لها قد حان موعد نومك أبنتى .....

فتذهب حنان الى سريرها وتغلق الأم النور فتمد حنان يديها تحت وسادتها 

وتمسك الكشاف الصغير وكراسه أحلمها وتكتب الى حبيبها المجهول؟! وتوصف 

كل ما تتمناه وكأنها تجلس معه ...........

وظلت حنان كل يوم يأتى ميعاد نومها تعيش مع حبيبها المجهول ؟؟!!
ففى يوم عاد الأب من عمله مبكرا حزينا وكانت حنان فى مدرستها والأم فى 

عملها ، فدخل حجره أبنته ونظر الى لعبها وتذكر وهى صغيره وأبتسم وأطلق 

بجسده على سرير فى إرتياح فأحس بشى تحت رأسه فمد يده فوجد كراسه (حنان) 

فقرأها وهو يبتسم ويردد (كبرتى يا حنان) ،ففرح بأبنته وتحول حاله من حزن

الى فرح وسعاده ، وظل كل يوم ينتظرهم أن يخرجو الى عملهم و كانت الأم تسأله 

:لماذا لا تذهب الى عملك ؟؟ ، فيقول لها: تغير موعد بدأ العمل ، فيذهبوا الى 

أشغالهم ....ويذهب سريعا يقرأ ما كتبته أبنته اليوم وهو سعيدا :) 

وذهبت حنان الى الجامعه ، وكان أباها وأمها سعداء بيها ،فالأب يعيش مع 

أحلام حنان والأم تهتم بأشياء أخرى .......

ففى يوم قرأ الأب فى كراسه أبنته (انا مازلت أكتب فمتى ستأتى؟؟ )،فهزت هذه الجمله

أبيها !!!! ،ففكر ماذا سيفعل ؟ الى أن قرر أنه سيحقق أحلام أبنته ....

فكان يأخذ أبنته كل يوم ويمسك يديها ويمشى بها على كورنيش ليلا ويحضر لها كل 

ما تتمناه وتحلم بيه ، فأنعكس ما يفعله الأب معها فى ما تكتبه ،وكانت الأم يشغلها

أشياء أخرى .....

ففى يوم عادت حنان من جامعتها وفتحت باب الشقه فشاهدت والدتها مع صديقتها 

فنادت حنان وسلمت عليها وقالت لها : كبرتى يا عروسه ، فأبتسمت لها حنان 

وسلمت عليهم وأستئذنت ودخلت حجرتها والقت نفسها على سريها وبدأت فى البكاء

ومدت يديها تحت وسادتها ولمست أحلامها ، فدخل عليها الاب مهللا وقال لها : 

أحضرت لكى الأغنيه التى نحبها وبدأ يشغلها فمسحت دموعها قبل أن يرأها أبيها 

لكن هو لاحظ دموعها ..... وبدأ يمسك يديها ويرقص معها على أنغام الأغنيه 

وهى تدور وتضحك ويتركها الاب فى رقص معها وقبل أن تسقط ....يده تتلقاها 

حتى تعب من الرقص وألقاء نفسهما على السرير وألقت نفسها فى حضن أبيها وقالت له : بحبك يا بابا :) :) الى أن دخلت الام وقالت لهما: وقت الغداء فذهبوا الى الطعام 

وهم يجلسون يتناولون الغداء فتحت الأم موضوع (عريس لحنان) فقبل أن تتكلم 

حنان غمز لها والدها وأخذ يضحكان معا ،فقالت الأم : أنا قولت شى يستدعى هذا الضحك 

ونظرو الى بعضهم مره أخرى وتعال صوت الضحك وشاركتهم الزوجه
حتى خرجو فى المساء لكن كان لديهم ضيف ثالث ، وعندما رجعت البيت وقبل

أن تنام كتبت ( أحبكما معا ).........

تمت 


                                                               دينا سامى
                                                            28/6/2012

                                                                     

الاثنين، 25 يونيو 2012

أعلنت للعالم حزنى !!

محتاج سما وشجروبحر وحبه هواااا 
ومش عايز اشوف بنى آدمين
نهاااااااائى ولا عايز مرايا عشان ماشوفش نفسى !!!
اصلى (بنى آدم )!!!

وللأسف مفيش كده غير فى الحلم عشان كده انا فى وهم ~~

نفسى أعيط وأشوف دمووووووعى وماحدش يشوفها غيرى 
وحشتينى اوى يا دموعى :") كنتى بتغسلينى من كل حاجه وحشه
وكنت بعديها بصلى وافتح صفحه جديده مع ربنا
المراااادى صفحه كبيره ومش راضيه تخلص بقى عشان أشوفك يا
صفحتى جديده :)

( البكى نهااايه حزن ،نهايه ألم ،نهايه تعب بعدها بتحس براحه بتحس 
بصفحه الجديده)

البكى مش عييييب يا بنى آدمين !!

الحمد لله على نعمه دموووووع 


أحساس بحزن لا ينتهى و بخمول وتعب جسدى من كتتتر النوووم وسرحان فى كل حااجه ،أنفصال عن الأيام ،أنفضال عن الواقع 
وعااايزه أسكت ومتكلمش (الموت الحى )

هاتلى يا بكره صفحه جديده

أحط نفسى فى جمله مفيده :( :(

بدون تعليق ....بدون أتصال .....بدون كلام 

وأنااااااااام .....يمكن يكون عايشين فى  كبوووووس 






الخميس، 21 يونيو 2012

حاله :(

زعلان ....اه 

 طيب مش فرحان خالص ؟؟!!

لا لا فرحان برضو ....

طيب أزاى ؟؟

مش عارف !! أبص كده الاقى حزن وهم وتعب 

واجى ابص كده اشوف لعبتى وفرحى وكل حاجه حلوه 
طيب ليه مبتبوصيش على الفرح على طول ؟؟

اصل الحزن بيوحشنى !!!




الثلاثاء، 24 أبريل 2012

قلبى قلب فارس ^^

عاشت الفرح والحزن ،الجنون والعقل ،عاشت الحريه وكان الناس ينظرون اليها  ويشبهونها بالعصفوره الجميله واحيانا الفراشه لالوانها الجميله........

عاشت الحياه بكل ماتحمله من معنى ....

حتى جاء الوقت التى  قررت  فيه الموت ،لكنها لا تريد

الانتحار ،ففكرت كيف الموت دون انتحار ؟؟؟؟؟؟

حتى تذكرت البيت المهجور التى اكتشفته ولم يسكن فيه احد!!!

فقررت الذهاب والبعد عن  الحياه

قررت ان تذهب للموت !!

ذهبت فالليل كان لا يوجد غير الدواب وصوت المطر فى الطرق وهو يتساقط عليها ☁ ☁ ☁ ☁ ☁ ☁  ☁ ☁ ☁ ☁ ☁ ☁
  :: :: :: :: :: ::
:: :: :: :: :: :: :: :: :: :: :: ::

فانتابها الخوف فى البدايه لكن لن تعود بل ستكمل الطريق.......

فسارت حتى وصلت للبيت ،فصعدت السلم وتاملت حولها لايوجد غير ضوء القمر وخيوط العنكبوت ومصباح قديم وحشرات تعيش حياتها رغم صعوبتها، فجلست على الارض وبدا الخوف يتسلل الى داخلها ولن تعطى لعقلها فرصه واحده للتفكير،فحضنت قدميها ووضعت راسها عليها ودخلت فى نوووووماً عميق ،حتى جاء قرب الفجر

واستيقظت فجاه!! من شده الهواء ،واذا بقدميها بارده ....تضع يديها على قدميها لتدفئها فبردت يداها ، اصبحت اطرافها متجمده والبرد يدخل الى جسدها والدم يتجمد فى عروقها ويزرق ،ووجها يتجمد ويبيض..........


حتى اصبحت لا تشعر بجسدها واذا بى شريط حياه يمر امام عينها بالكامل ترى فى حياه بنت جميله طفله سعيده ترتدى زهور الحياه تصير فى الحدائق فراشه بين الزهور لن تفارقها الابتسامه يوما من ينظر فى وجها ترسم له الابتسامه على وجهه ترى هذه الطفله تكبر وتصبح من اجمل البنات ترى فيها الجنون والحب والعطف والحنان ........

فقالت : ان لم ياتنى الموت الان لتمنيت ان اعيش الحياه التى اراها امامى !!

.....................

وكانت اخر ما قالته فى حياتها :(( 
  

ولم تعرف ان الحياه التى نظرت اليها هى حياتها ..............

وأذن الفجر "الله أكبر .....الله أكبر "
انا قلبي قلب فارس ومش خايف
انا حاسس انا شايف الحق هنا في قلبي
واهه رب الكون جمبي هو المالك هو الحارس
قلبي شبه سيفي درعي عشر ايآت
لون خيلي من طيفي ثابت حتى الممات
دور كده جواك هتلاقي فيك مني
هتلاقي في جواك فارس ومستني
يرمح على خيله ويقيد ظلام ليله
نور ربه ده دليله لو مره ضل وتاه
اهدني يا الله

                                                                         دينا مزروع 


الأربعاء، 29 فبراير 2012

يا شيخ اتلهـــــــــــــــــى !!!

بلادى بلادى بلادى هو ليه بقى موتنا عادى مصر يا ضهرى اللى محنى .. لا ارتويت ولا نيل لمحنى واللى امنته دبحنى .. لم أعلنت اعتراضى مصر ياللى وجعى اللى زاد .. قتلو قدامى الولاد لبسونى توب سواد .. وانتى حبسوكى انفرادى .. مصر سيبك من كلامهم كدبهم خافى سهمهم .. شوفنا اية غير انهزمهم والخداع وضع اعتيادى ..
هيقولولك ايد خفية قلة صايعة وبلطجية .. لسة فاكرينك هفية تنسى حقك بالتراضى .. فوقنا من تامر فى غمرة جت مذيعة عاوزة عَمرة تفزع الناس من المؤمرة يَحيا اعلامنا الحيادى .. مهما هيدورا الحقيقة يوهموكى بميت طريقة ..
برضة ايدهم موش بريئة من اللى عملوه النوبة دى .. قولى للباشا اللى واهم انى حافظه وهو فاهم .. مهما يضرب او يِداهم هرفض الأمر السيادى .. فكريه لو هو ناسى بكرة موش دايمة الكراسى وان ردى هيبقى قاسى لو فضل ظالم وسادى .. مصر يا غاية اندفاعى لسة جوة البيت أفاعى محتاجين مليون رفاعى يجمعوا عزم الايادى ... 

                                                                                                  مصطفى امين   

مصر يا غايه اندفاعى لسه جوة البيت افاعى ..........................

وللأسف الافاعى كتير بس احنا اكتر ومش هننسى القضيه (القضاء على الفساد ) ،قبل ما اتكلم على الافاعى اللى طلعو من جحورهم هحكى حكايه صغيره (كان يا مكان فى زمن  من  الازمان كان فى راجل متجوز راح السعوديه عشان يشتغل ويقدر يعيش عيالو ،كان بيحب الشيخ محمد حسان وكان لما يعرف إن الشيخ هيدى درس او هيخطب كان يروح يسمعله عشان بيحبه اوى ،وكان لما الشيخ يطول فالغياب ويرجع يقولو كنت فين يا شيخنا يقولهم :حبايبنا فى امن دوله كانو عايزنى شويه ..........)
ليه بقى انا حكيت الحكايه اللى ملهاش اى ستين لازمه ديه ،عشان الراجل ده ابويا وكل شويه  يحكهلنا فقلت ادوشكو زى ما دوشنا بيها ههههههههههه .    

يعنى المفروض عيال الراجل ده يكونو محبين لشيخ حسان وبيدفعو عنه بس الصراحه لا  ده بالعكس ده حصل خناقات بينى وبين أصحابى بسبه كتييييييييييير

ليه بقى انا ضد الحج حسان ده بقى ؟؟؟؟؟
فى ملحوظه بس عايزه اقولها : اللى بيحب حد وبيسمعه فــ أكيد بيتيبوعه " بيسيروا على نهجه يعنى "، ومن ملحظتى للمحبين حسان ان لو اى شخص نقض حسان تلاقى الشتايم واقبح الشتايم نزلت عليه زى المطر مع ان المفروض ان حسان بيوصيهم بإتباع سيدنا محمد (ص) (اللى وصانا بحسن الخلق ) وكان رسول يدعو لقومه المشركيين ،فكيف حسان وامثاله يداعون على انفسهم السلفيين (اى اتباع السلف الصالح ) وينطقون بالفاظ ويشتمون الناس بابشع الالفاظ ........

نيجى بقى لحمله حسان لقطع المعونه الامريكيه ،قال واتكلم عن الحمله ،راحت الناس  فرحت بسبب كرهها لامريكا وفاكرين ان احنا بنشحت منها وكدا يعنى ، فراح حسان قالهم طالعو اللى ف جيبكو بقى ، راحت الناس ازبهلللللللللللللللللللللت وتنحـــــــــــت وسكتت ،راح قالهم : يعنى مش هطلعو طيب غصب عنكو بقى لانها فريضه عليكم وكله بالقانون ......
نشوف ازاى 
.

لا بجد معلم يا حسان عشان كده المجلس حبك ، يا شيييييييخ ده الشعب ده غلبان اووووووووى ،ده بيركب الاتوبيس عشان يوفر الربع جنيه ،ده بيقف فى طابور الموت عشان لقمه عيش ،ده مش عارف يشترى الانبوبه ،ده اول ما بيقبض نص مرتبه بيروح فى ديون اللى عليه تيجى انت يا مفترى تفرض عليه فلوس زياده .......

نروح للافاعى الاخرى (زوووووووووووم  على الصوره )
.
.



الصوره ديه بقى فيها مين (مصطفى بكرى ،فايزه ابو النجا ، محمد حسان وشقيقه
والجنزورى )العصابه مجتمعه !!!!!!!
يعنى لقاء الاحبه وقال ايه بيفكرو فى مصالح مصر بتقولو ايه يا ولاد بيفكرووووووو فمصالح البلد

يادهوووووووووووووتى !!!

طيب كان ممكن يعمل كده
.
( السيدة أم كلثوم قامت بجمع التبرعات لمساعدة الجيش المصري خلال حرب السادس من أكتوبر عام 1973، عقب نكسة 1967، وليس ثورة يوليو عام 1952 ولم تجمعها من محبيها  الذين كانو ينتظروا حفله الشهر  ليسمعوها ويجلسون فى اواخر القاعه لان ليس لديهم المقدره الماليه للجلوس امام ،بل ذهبت للاثرياء وتبرعت بمجوهراتها من اجل الجيش ) الله يرحمك يا ست

أليس الشيخ حسان يعرف جيدا عن الرسول والصحابه ،كان الرسول يربط على بطنه حجر من شده الجوع ، وابو بكر دفع ثروته من اجل الاسلام ،وعمرو بن الخطاب ........وغيرهم ،فلماذا لم تتبعهم فى هذا ؟؟ لماذا تركب السيارات الفارهة وتمتلك القصور الشاهقه ولديك المال الكثير !!!!!!!!!


بس ده انت طلعت الملهم الجبار لشركات المحمول التى اصدرت اخيرا دفع ضريبه كل شهر للهاتفك المحمول
نص الرساله اللى هجيلك ده لو مجتش (بدءا من1 مارس  سيتم تحصيل 51ق ضريبه شهريا )

الان تتضح الصوره امامنا وبتقول يال ما بتفهمش افهم بقى !
ان اللى حكمنا واللى بيساعدهم شوووووويه حراااااميه
ومازال الفساد مُتفشى ........
هما كده بيحفرو قبورهم بايديهم لان
(الثوره مُستـــــــــــــــــمره)

عيش ....حريه ...عداله اجتماعيه.....كرامه انسانيه ....حق الشهيد

هديه منى لاى حد عايزه يعرف من اللى نقوله يا شيخ مين :http://www.youtube.com/watch?v=qnojuD7ofMs


                                                                                                        دينا مزروع